“Xameneinin oğlu atasının yerinə əsas namizəd olacaq” – KİV
Yeniavaz.com xəbər verir ki, bu barədə “Politico” qəzeti mənbələrə istinadla məlumat yayıb.
Nəşr qeyd edib ki, son bir neçə ildə Rəisi İranın ali dini lideri kimi Xameneidən sonra bu posta potensial namizəd hesab olunurdu.
“Onun ölümü bir çox iranlının və İrandakı vəziyyəti müşahidə edənlərin inamını gücləndirir ki, Xameneinin oğlu Müctəba atasının yerinə namizədlər arasında lider olacaq”, - məlumatda bildirilib.
Vaşinqtonda yerləşən Demokratiyaları Müdafiə Fondunun baş elmi işçisi Behnam Ben Taleblunun fikrincə, mərhum prezident Xameneinin dövlətin başında görmək istədiyi adam idi.
“Ancaq Rəisinin ölümü İranın ali rəhbəri postuna namizədlərin dairəsini daraldır və potensial namizədlərdən biri Xameneinin oğludur”, - o, qeyd edib.
