Nemət Pənahlının avtomobili borca görə hərracda satıldı - Yandıracağam...
Gundeminfo.az xəbər verir ki, bu sözləri Teleqraf-a açıqlamasında ləğv edilmiş Azərbaycan Milli Dövlətçilik Partiyasının sədri Nemət Pənahlı vergi borcuna görə avtomobilinin hərrac yolu ilə başqa şəxsə satılmasına münasibət bildirərkən deyib.
O qeyd edib ki, iş Ali Məhkəmədə ola-ola hərrac keçirib, avtomobili dəyərindən üç qat aşağı qiymətə başqa şəxsə satıblar:
“Hərracın nə vaxt, kimlərin iştırakı ilə keçirilməsindən xəbərim olmayıb. Sadəcə, bir nəfər gəlib ki, avtomobili almışam, aparacağam. Qiymətləndirmənin nə vaxt, harada olması ilə bağlı heç bir informasiya verilməyib. Gələn adama sual verirəm ki, bazarda 26 min manata 2010-ci il buraxılışı olan və 2018-ci il modelə yığılan “Toyota Lənd-Kruzer” varmı? Deyir, nə bilim, mən almışam”. Yenə sual verirəm ki, avtomobili görmədiyin halda onu necə ala bilərsən? Susur, cavab verə bilmir”.
Nemət Pənahlı avtomobili yandıracağını, onlara verməyəcəyini bildirib: “Avtomobilin bütün sənədləri məndədir və heç kəs də zorla onu ala bilməz. Əgər vergi borcuma görə satış təşkil edilirsə, o bazar qiymətinə uyğun dəyərləndirilməlidir. Eyni zamanda, hərrac haqqında mənə məlumat verilməlidir”.
