Ələ keçirilən tankerlərdəki İran nefti ABŞ-a aparılır
ABŞ Hind okeanında ələ keçirilən İran tankerlərindən neftin böyük hissəsini özünə götürüb.Musavat.com xəbər verir ki, bunu ABŞ prezidenti Donald Tramp Salem News Channel-a verdiyi müsahibədə deyib:
"Bunun böyük hissəsi ABŞ-a gedir".
1 mayda Florida ştatının Vest Palm Biç şəhərində yerli Forum klubunun üzvləri ilə danışan Tramp etiraf edib ki, ABŞ ordusu İran neftini daşıyan tankerləri ələ keçirərkən pirat kimi davranıb.
Bir müddət əvvəl İranın BMT-dəki daimi nümayəndəsi Əmir Səid İrəvani BMT Təhlükəsizlik Şurasına göndərdiyi məktubda bildirib ki, ABŞ iki İran ticarət gəmisi olan Majestic və Tifanini ələ keçirərək 3,8 milyon barel İran neftini oğurlayıb.
