Məktəb direktoru olmaq istəyən 1000 nəfərə “yox” deyildi
Məktəb direktorlarının işə qəbuluna dair müsabiqə üzrə 277 nəfər namizədin ərizəsi qanunvericilikdə nəzərdə tutulmuş tələblərə cavab vermədiyindən onların sənədindən imtina edilib. Bu barədə Modern.az-ın soruğusuna cavab olaraq Təhsil Nazirliyindən məlumat verilib.
Məlumatda o da qeyd edilib ki, daha 858 nəfər müəyyən olunmuş müddət ərzində elektron ərizəsini tamamlamadığından müsabiqəyə buraxılmayacaq.
Ağdam, Cəlilabad, Goranboy, Kürdəmir və Laçın rayonlarında direktor vakansiyalarının sayı digər rayon və şəhərlərə nisbətən daha çoxdur.
Qeyd edək ki, məktəb direktorlarının işə qəbulu üzrə müsabiqəyə çıxarılmış 597 vakant yerə 3395 nəfər namizədliyini verib. Elektron ərizə ilə müraciət edən 3395 nəfərdən 2260 nəfərinin ərizəsi təsdiq edilib.
