Gömrükçülər büdcəyə ödənişi kəskin artırdı
ƏDV üzrə daxilolmaların həcmi 36 milyon 47 min manat və ya 39,04% artıb. 2016-cı ilin may ayında Dövlət Gömrük Komitəsinin (DGK) xətti ilə büdcəyə 206 milyon 272 min manat həcmində vergi və rüsumlar daxil olub ki, bu da 2015-ci ilin müvafiq dövrü ilə müqayisədə 64 milyon 450 min manat yaxud 45,44% çoxdur.
GUNDEMİNFO.AZ Oxu.Az-a istinadən xəbər verir ki, bu barədə Dövlət Gömrük Komitəsinin (DGK) may ayı üzrə açıqladığı statsitik məlumatda bildirilib. “Mayda dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 9 milyon 662 min manat yaxud 24,34% artaraq 49 milyon 351 min manat olub.
Bundan başqa, ƏDV üzrə daxilolmaların həcmi 36 milyon 47 min manat və ya 39,04% artaraq 128 milyon 374 min manat, aksizlər 8 milyon 249 min manat yaxud 103% artaraq 16 milyon 255 min manat, yol vergisi üzrə daxilolmalar isə 10 milyon 490,73 min manat artaraq 12 milyon 291 min manat təşkil edib.
