"Üç prezident Bakıda bunları müzakirə edəcək"
Əliyev, Putin və Ruhaninin Bakıda geniş müzakirələri olacaq.
Axar.az xəbər verir ki, bunu “Novosti.az” saytına açıqlamasında rusiyalı politoloq Vitali Arkov söyləyib. Onun sözlərinə görə, hər üç lider Bakıda iqtisadi və siyasi məsələlərlə bağlı ciddi müzakirələr aparacaqlar:
“Müzakirə edilən məsələlər sırasında təbii ki, regiondakı təhlükəsizlik məsələləri, terrorizm təhdidinə qarşı birgə mübarizə də olacaq. İqtisadi sahədə əsas məqamlardan biri İran üzərindən sanksiyalar götürüldükdən sonra Hind okeanından Atlantik okeanına qədər nəqliyyat dəhlizinin yaradılması olacaq. Bu marşrut Hindistan, Pakistan, İran məhsullarının Xəzər dənizi və Azərbaycanın dəmiryolları şəbəkəsi vasitəsilə Rusiya və daha sonra Avropaya ötürülməsinə kömək edəcək. Bundan əlavə, Bakıda çox vacib və çətin energetika məsələsinin həll variantı tapılmalıdır”.
