Bakıda xəstəxanada doğuş zamanı daha bir körpə ölümü
Bakıda xəstəxanada doğuş zamanı körpə ölüb. GUNDEMİNFO.AZ report-a istinadən xəbər verir ki, hadisə Xəzər rayonu, Mərdəkan qəsəbəsində yerləşən 26 saylı birləşmiş şəhər xəstəxanasının doğum şöbəsində qeydə alınıb. Körpənin nənəsi, 1960-cı il təvəllüdlü Rəfiqə Əsədova bildirib ki, yanvar ayının 10-da gəlini, 1990-ci il təvəllüdlü Səmayə Əliyevanı 26 saylı birləşmiş şəhər xəstəxanasının doğum şöbəsinə yerləşdirib. S.Əliyevanın doğuş zamanı körpəsi ölüb. R.Əsədova körpənin ölümü ilə əlaqədar həkimlərin səhlənkarlığını iddia edib.
26 saylı birləşmiş şəhər xəstəxanasından isə "Report"a doğum şöbəsinin həkimlərinin iş saatının bitdiyini qeyd ediblər.
Faktla bağlı R.Əsədova Xəzər Rayon Polis İdarəsinədə müraciət edilib. Hadisə ilə bağlı araşdırma aparılır.
