Bəzi banklar dolların məzənnəsini yenə artırdı
Azərbaycanda bir sıra banklar dolların alış-satış məzənnəsini yenidən bahalaşdırıb. Oxu.az xəbər verir ki, fevralın 14-də dolları 1,6400 manatdan alan “AGBank” bu gün Amerika valyutasını 1,7100 manatadək artırıb. Bu bankda dollar satışı isə bir gündə 1,7800 manatdan 1,8100 manatadək qalxıb.
“Bank of Baku” dolların alışını 1,7000-dan 1,7200-dək artırıb. Dollar satışını isə dünənki səviyyədə saxlayıb - 1,8 manat. “AccessBank” da dolların alışını 1,6300 manatdan 1,6850 manata, satışını isə 1,7600 manatdan 1,7800 manatadək qaldırıb. Amerika valyutasının alış-satış qiymətini “TuranBank” da bahalaşdırıb. Belə ki, hazırda bu bankda dolların alışı 1,7200 manat, satışı isə 1,8000 manatdır.
Qeyd edək ki, fevralın 14-də bu bankda dolların alışı 1,6700 manat, satışı isə 1,7700 manat olmuşdu. Onu da qeyd edək ki, bu günə olan rəsmi məzənnə 1,7296 manat təşkil edir.
