187 min azərbaycanlı, 3 min erməni... - Türkiyənın türist statistika açıqlandı
Türkiyənin Mədəniyyət və Turizm Nazirliyi 2017-ci ildə bu ölkəyə gələn turistlərin statistikasını açıqlayıb. AzVision.az xəbər verir ki, cari il ərzində Türkiyəyə 89 ölkədən turist gəlib. Türkiyəyə bu müddət ərzində ən çox Gürcüstan ( 639493), İran (614566), Almaniya (565565), Bolqarıstan (472484), Rusiya (319904), İngiltərə (208413), Azərbaycan (187013), İraq (178190), Ukrayna (158944), Yunanıstandan (156749) səfərlər olub.
Turistlərin sayında ötən illə müqayisədə artım var. Belə ki, 2016-ci ildə Azərbaycadan Türkiyəyə 138678 turist getmişdisə, hazırda bu rəqəm 187013-dür. Bundan əlavə Türkiyəyə ən az turist İslandiyadan (566) gəlib. Ötən il isə bu rəqəm 677 olub. Təəccüblü görünsə də, Türkiyəyə istirahət üçün üz tutanlar arasında ermənilər də var. 2017-ci ilin ötən dövrü ərzində Ermənistandan 3281 turist Türkiyiyə gedib. 2016-ci ildə isə bu rəqəm 2396 olub.
