"Əlillər təhsil haqqından azad edilməlidir" - Hadı Rəcəbli
"Azərbaycan universitetlərində 18 gözdən əlil tələbə təhsil alır. Onlara yardım olunmalıdır”.
AzVision.az-ın məlumatına görə, bunu Milli Məclisin Əmək və sosial siyasət komitəsinin bu gün keçirilən iclasında komitə sədri Hadı Rəcəbli deyib.
Komitə sədri bildirib ki, həmin tələbələr təhsil haqqından azad olunmalıdır: “Bir neçə gün öncə, qəbulumda iki tələbə vardı. Onlar Azərbaycan Milli Konsevatoriyasında təhsil alırlar. Təhsil haqları 2 min manatdır. Hesab edirəm, belə qrup insanlara köməklik olunmalıdır. Bu istiqamətdə danışıqlar aparılır”.
