Pandemiya mənzil bazarında qlobal böhrana səbəb olub
"APA-Economics"in məlumatına görə, bu barədə "Bloomberg" agentliyi yazır. "Əhalinin müəyyən təbəqələrinin artıq mənzillərə sahib ola bilmədiklərinin şahidi oluruq. Bu, Londonda, Parisdə, Romada və indi, təəssüf ki, Berlində daha çoxdur", - agentlik Berlin meri Mixael Müllrdən (Michael Müller) sitat gətirir.
Qeyd olunur ki, son 18 ayda potensial alıcılar üçün evlərin çatışmazlığı və həddindən artıq aşağı faizlər fonunda mənzil qiymətlərinin artması səbəbindən mənzil almaqda getdikcə çətinləşir. Belə ki, ABŞ-ın ən böyük ipoteka agentliyi olan "Freddie Mac"ın keçmiş baş direktorunun sözlərinə görə, ABŞ-da evlərin qiyməti 2000-ci illərin ortalarında qeydə alınan pik göstəriciləri 30% üstələyir.
Bir sıra ölkədə ipoteka bazarındakı vəziyyət 2008-2009-cu illərdəki maliyyə böhranından əvvəlki aylara bənzəyir və bu, bazarın çökməsi ilə nəticələnə bilər.
"Knight Frank" beynəlxalq konsaltinq şirkətinin məlumatına görə, 2021-ci ilin II rübündə evlərin qiymətləri 55 ölkədə orta hesabla 9,2% (bir il əvvəl +4,7%) artıb. Türkiyə (+29,2%) ardıcıl altıncı rüb lider mövqedə qərarlaşır, Yeni Zelandiya (+25,9%) ikinci, ABŞ və Slovakiya (+18,6%) isə üçüncü yeri bölüşürlər.
