Deputat şəhidlərin bacı və qardaşlarına müavinət verilməsini təklif edib
"Report" xəbər verir ki, bunu deputat Fazil Mustafa Milli Məclisin bugünkü plenar iclasında çıxışı zamanı deyib.
O bildirib ki, şəhid ailələri üçün olan yardımlar onlarla bir yerdə yaşayan bacı və ya qardaşlarına şamil edilmir: "Halbuki belə şəxslərin sayı elə də çox deyil. Çünki bəzən olub ki, şəhid bacısı, yaxud qardaşı bir evdə yaşayıb. Yəni, o məhz qardaşının himayəsində olub və onun qazancı ilə dolanıb. Dövlət qurumlarına üzümü tutub deyirəm ki, bu, say elə də çox deyil. Onlara da müavinət və ya ev verilməlidir".
