Şəhidin adını daşıyan məktəb bərbad vəziyyətdədir - FOTOLAR
Mingəçevirdə şəhid İlqar Zeynalovun adını daşıyan 2 saylı orta məktəb təmirsiz və qəzalı vəziyyətdədir.
Yeniavaz.com xəbər verir ki, sözügedən məktəb iki korpusdan ibarətdir. Kopruslardan biri 1954-cü ildə əsas bina olaraq istifadəyə verilib. Digər korpus isə yardımçı bina olaraq 1960-cı ildə tikilib.
Verilən məlumata görə, hal-hazırda məktəbin istilik sistemi yoxdur və şagirdlər palto, papaqla sinifdə otururlar. Bundan əlavə, məktəbin elektrik xətləri nasaz vəziyyətdədir və kanalizasiya sistemi işləmədiyindən məktəbdən pis qoxular gəlir. Nəticədə bu vəziyyətə şahid olan valideynlər uşaqlarını məktəbdən çıxararaq şəraitli məktəblərə üz tutub.
Qeyd edək ki, Mingəçevirdə 6, 17 və 19 saylı məktəblər də eyni vəziyyətdədir.
