"Azəriqaz”ın abonentlərin qohumluq əlaqələrini araşdırır?
Kütləvi informasiya vasitələrində Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin istixana sahibi arasında məhkəmə prosesi ilə bağlı məlumatlar dərc olunur.
“Report” “Azəriqaz”ın bu barədə yaydığı açıqlamasına istinadən xəbər verir ki, bu prosesdə qarşı tərəfin kimliyi məsələnin mahiyyətindən daha çox qabardılır.
Bununla bağlı İstehsalat Birliyi bildirir ki, məhkəmə predmeti olan mübahisələrdə abonentlərin məxfiliyi Birlik tərəfindən birmənalı olaraq qorunur: “Azəriqaz” İB-nin abonentlərin qohumluq əlaqələrini təftiş etmək kimi niyyət və məqsədi yoxdur. Çünki şəxslərin kimliyi hansısa tərəfə əlahiddə üstünlük vermir. İstənilən mübahisələr məhkəmələrin çıxardığı qərarla tənzimlənir”.
