Paytaxtda rəzillik - Məmurlar ağacları kəsib parklanma yeri düzəltdilər – FOTO
Bizim.Media xəbər verir ki, bu fikirləri tanınmış telejurnalist Azər Qərib özünün Facebook səhifəsində yazıb.
“Mən söz tapa bilmirəm, şəhərin tam mərkəzində ağacları kəsib, piyada səkini daraldıb, camaatın yolunu kəsib özünə parkovka düzəldəsən? Bu qədərmi harınlaşma prosesi dərinləşib?
Görəsən 200 metr aralıda yerləşən Səbayıl İcra hakimiyəti və Ekoloqiya Nazirliyi nə düşünürlər bu haqda?”, deyə o, qeyd edib.
Jurnalistin fikrincə, bu məsələ yenə dövlət büdcəsindən 5-10 manat cərimə verməklə bitəcək. O, statusunun sonunda şokda olduğunu bildirib.
Xatırladaq ki, həmin ərazi Bülbül prospekti, 18 ünvanına aiddir. Əvvəllər AZƏRTAC Dövlət Agentliyi də bu bunada yerləşib.
