Rusiya ərazisi planetin qalan hissəsindən 2,5 dəfə daha sürətlə istiləşir
Bu barədə bazar ertəsi mətbuat konfransında Ümumdünya Meteorologiya Təşkilatının məlumatlarına istinadən Roshidrometin rəhbəri İqor Şumakov bildirib.
O qeyd edib ki, ölkə ərazisində hər onillik əvvəlkindən daha isti keçir.
Şumakovun sözlərinə görə, ən sürətli temperatur artımı ölkənin şimal qütb regionunda baş verir. Arktikada dəniz buzlaqlarının sahəsi azalır, daimi donmuş torpaqlar isinir. Nəticədə təhlükəli hava hadisələrinin statistikası artır.
Roshidrometin rəhbəri qeyd edib ki, müşahidə olunan iqlim dəyişikliyinin daha da pisləşməsi ehtimalı yüksəkdir.
Mənbə: TASS
