Türkiyədə itən şəxs xilasedicilərlə birlikdə özünü axtardı - FOTO
Axşam.az Türkiyə mətbuatına istinadən xəbər verir ki, dostları ilə yeyib-içən 50 yaşlı kişi bir müddət sonra onların yanından ayrılıb və meşənin dərinliklərinə gedib. Beyhanın dostları onunla əlaqə qura bilmədiyi üçün itkin düşməsi haqda polislərə məlumat verib. Axtarışa verilən şəxs başına gələn hadisə ilə bağlı jurnalistlərə bunları danışıb:
"Birdən gördüm ki, ətrafda axtarış-xilasetmə dəstəsinin əməkdaşları var. İtkin düşən bir kişini axtardıqlarını dedilər. Mən də axtarışlara qoşuldum. "Beyhan" deyə öz adımın çəkildiyini eşitdim və xilasedicilərdən kimin axtarıldığını soruşdum. "Beyhan Mutlu axtarılır" deyə cavab verdilər. Mən burdayam dedim. Sən demə, itkin düşən şəxs mənəm. Komanda ilə birlikdə özümü axtarırmışam".
