Əhəd Abıyev sabiq icra başçısının oğlunu İŞDƏN ÇIXARDI
Daşkəsən rayon İcra Hakimiyyətində kadr islahatı aparılıb
İcra hakimiyyətindən Modern.az-a bildirilib ki, Daşkəsən Rayon İcra Hakimiyyəti başçısı Əhəd Abıyevin müvafiq əmri ilə Ərazi idarəetmə və yerli özünüidarəetmə orqanları ilə şöbəsinin baş məsləhətçisi işləmiş 2-ci dərəcə dövlət qulluqçusu, Vətən müharibəsi iştirakçısı, Həsənov Fəxri Akif oğlu RİHBA-da yeni yaradılmış Vətən müharibəsi iştirakçıları və şəhid ailələri ilə işin təşkili şöbəsinin müdiri vəzifəsinə təyin edilib.
Ə.Abıyevin digər əmri ilə Daşkəsən Rayon İcra Hakimiyyəti Başçısı Aparatının Hüquq şöbəsinin müdiri Şıxəliyev Elmar Vaqif oğlu “Dövlət qulluğu haqqında Azərbaycan Respublikası Qanunu”nun 33-cü maddəsinin 1.5 və 1.6 bəndlərinə uyğun dövlət qulluğuna xitam verilərək tutduğu vəzifədən azad edilib.
Qeyd edək ki, E.Şıxəliyev 1993-1995-ci illərdə Sabirabad RİH-nin başçısı işləmiş Vaqif Şıxəliyevin oğludur.
