Metroda sərnişinləri silahla hədələdi - VİDEO
Sosial şəbəkələrdə metroda sərnişinləri silahla hədələyən kişinin görüntüləri yayılıb.
“Podyom” “Telegram” kanalının məlumatına görə, kadrlar Rusiyada, Moskva Metropolitenində stansiyaların birində qeydə alınıb.
“Münaqişənin nədən başladığını görmədim. Onlar mən qatara girməzdən əvvəl başlamışdılar. Dava edənlərin Orta Asiyalı olduğunu düşünürəm. Görünüşcə içkili olduqları hiss edilmirdi. Silahı olmayanın üstündə qan var idi. Nəticədə, mən maşinistin vasitəsilə polis çağırdım. Stansiyada onu polis apardı”, - deyə kadrları qeydə alan şahid bildirib.
Son məlumatlara görə, münaqişədə iştirak edən hər üç şəxs saxlanılıb. Davanın məişət zəminində baş verdiyi bildirilir.
