“İnci mebel” fabriki öz məhsullarına NİYƏ ZƏMANƏT VERMİR?
Moderator.az-a şikayət edən Cəlilabad sakini B.Qürbətov bildirib ki, o, qızının mebelini “İnci mebel”dən alıb və Bakı şəhərinə göndərib. Vətəndaş bildirib ki, heç bir il ötməmiş divan sınıb. Bunun ardınca mətbəx və yataq mebellərinin bütün çəkməcələri xarab olub.
B.Qürbətov bildirib ki, mebelə 8 min manat pul ödəyib. Görünüşündən adamı cəlb edən mebellərin sən demə keyfiyyəti yox imiş. Alandan az sonra “künc” divan sınaraq sıradan çıxıb və vətəndaş onu özü təmir etdirməli olub.
Mebellərə isə fabrik heç bir zəmanət verməyib. İndi də vətəndaş mebellərin çəkməcələrini təmir etdirməyə hazırlaşdığını bildirib.
