Səttar Bəhlulzadənin əsərlərini satan iş adamı: "Biz bunları erməni rəssamı adı ilə almışıq"
Bunu Yeniavaz.com-a açıqlamasında Səttar Bəhlulzadənin rəsmlərini onlayn mağazalarda satan “Tolga & Sons Art Gallery” şirkətinin təsisçisi Tolga Oğuzun oğlu və hazırki sahiblərindən biri Deniz Bülent Tolga deyib.
“Biz bunları erməni və sovet rəssamı adı ilə almışıq. Biz aldıq, dedik ki, xeyr, bunlar erməni deyil, bunlar türkdür. Satın alıb dünyada adlarını qorumağa çalışdıq. Biz Azərbaycan öz rəsmlərinə qovuşsun deyə çalışırıq. Bu kolleksiyanı Azərbaycan üçün hazırlayırıq. Kaş ki, bir nəfər sahib çıxa, 40 ildir heç kim sahib çıxmır. İndi hər kəs məni tənqid edir ki, bunlar niyə Türkiyədədir. Çünki mən sahib çıxdım. Burdakı türk, azərbaycanlı iş adamları bizdən alırlar”, -o bildirib.
