Mikayıl Cabbarov nazirliyi “təmizləyir”: 64 əməkdaşdan sonra daha bir neçə nəfər...
Vergilər Nazirliyində Fazil Məmmədovun kadrları işdən çıxarılır. Artıq yeni nazir Mikayıl Cabbarovun vəzifədən
azad etdiyi 64 nəfərin adı məlumdur.
Cebhe.info-nun əldə etdiyi məlumata görə, işdən çıxarılanların sayı təxminən 70 nəfərə çatıb.
Məlumatda o da bildirilir ki, bu rəqəm son deyil. Yəni, sabiq nazir Fazil Məmmədovun kadr dəyişikliyi davam edəcək.
Vəzifəsindən kənarlaşdırılanlardan ikisinin adı rüşvət qalmaqalında hallanır. Digər işdən kənarlaşandırılanlar isə kadr dəyişikliyinin qurbanı olub. Məsələ ilə bağlı Cebhe.info-ya açıqlama verən nazirliyin mətbuat xidmətinin əməkdaşı Şahin Məmmədov faktı tam təsdiqləməsə də , 64 nəfərdən sonra daha 3-4 nəfərin işdən kənarlaşdırıldığını bildirib. Qeyd edək ki, 5 dekabr tarixində prezidentin imzaladığı sərəncamla Fazil Məmmədov vergilər naziri vəzifəsindən azad olunub. Digər sərəncamla Mikayıl Cabbarov vergilər naziri vəzifəsinə təyin edilib.
