"Məktəblərin ətrafında sahibsiz itlərin sayı çoxalıb"
Bu ilin ilk 3 ayı ərzində Azərbaycanda 4909 nəfər heyvan zədəsi (cırmaqlama, dişləmə) ilə əlaqəli müvafiq tibb müəssisələrinə müraciət edib.
Səhiyyə Nazirliyindən “Report”un sorğusuna cavab olaraq bildirilib ki, bu rəqəm ötən ilin müvafiq dövründə 4682 nəfər təşkil edib.
Bu da o deməkdir ki, heyvan dişləmələrinin sayı artıb. Hətta ötən gün Binəqədi rayonu, Sulutəpə qəsəbəsində 2015-ci il təvəllüdlü Məmişov Hüseyn Qismət oğlu itin hücumuna məruz qalıb. Heyvan azyaşlının yanağını arçalayıb.H.Məmişova quduzluq əleyhinə zərdab vurulub və yanağının parçalanmış hissəsi tikilərək bərpa edilib.
Bundan başqa, bir müddət əvvəl it dişləyən Ağstafa rayonu, Yuxarı Göycəli kənd sakini, 1998-ci il təvəllüdlü Cavid Həsənli isə keçən həftə dünyasını dəyişib.
