Azərbaycanda nehrə yağı adı altında satılan yağlar saxtadır - RƏSMİ
Trend-in məlumatına görə, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli bildirib.
Agentlik sədrinin sözlərinə görə, transyağların nehrə yağı adı altında satılması cinayət faktıdır: "Cənub bölgəsində 6 süd məhsulu istehsalı müəssisəsindən götürülmüş nehrə yağı adı altında istehsal olunan həmin məhsulların ekspertiza nəticəsi məlum olub. Onların tərkibində insan orqanizminə zərərli olan yağ nümunələri aşkarlanıb. Təəssüflə qeyd edib ki, tərkibində transyağ aşkarlanan 12 adda yağın 80 faizindən çoxu ölkəyə idxal olunub".
Q.Təhməzli əlavə edib ki, yağların tərkibində transyağların miqdarı 2 faizdən çox olduqda onun idxalı qadağan olunacaq.
