Şəkidə çörək sexində partlayış olub, xəsarət alan var
APA-nın nazirliyin saytına istinadən verdiyi məlumata görə, Şəki şəhərində ümumi sahəsi 1000 m2 olan, bir dam altında tikilən obyektlərdən sahəsi 60 m2 olan çörəkbişirmə sexində yanğınla nəticələnən partlayış baş verib. Partlayış dalğasının təsirindən sexin pəncərə şüşələri dağılıb. Hadisə zamanı 1 nəfər xəsarət alıb. Bitişik tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
İlkin ehtimala görə, partlayışa qaz sızması səbəb olub.
