Təqaüdünü Orduya bağışlayan qadın: “O əsgər balalara canım da qurban” - Video
Azərbaycanlı qadın öz təqaüdünün bir hissəsini Silahli Qüvvələrə Yardım Fonduna köçürüb. 70-dən çox yaşı olan yaşlı ananın bu addımı hər kəsi duyğulandırıb.
Yenisabah.az xəbər verir ki, bu barədə sosial şəbəkələrdə videogörüntü paylaşılıb.
Ağbirçək qadın özünün iki övladının birinci Qarabağ müharibəsi iştirakçısı olduğunu və lazım gəlsə, onların yenidən cəbhəyə gedə biləcəyini vurğulayıb:
“Mən pensiyamı aldım, krediti filan keçirdikdən sonra 30 manat pulum qaldı, onu da özümə kəfən pulu götürmüşdüm. Bunu Müdafiə Fonduna keçirməyə gəlmişəm, əsgər balalarıma göndərirəm. Hələ 1992-ci ildə olan Qarabağ müharibəsinə 2 böyük oğlum gedib. Orda vuruşub gəliblər. İndi də deyirlər ki, lazım olsa, yenə gedərik. Mən də bu pulu əsgər balalarıma göndərirəm, kəfən pulumdu. Cavanlarımız, balalarımız, əsgərimiz, İlham Əliyevimiz sağolsun. Vallah, o əsgər balalara canım da qurban”.
