Ürək-damar xəstələri peyvənd vurdura bilərmi? - Həkim rəyi
Ürək-damar cərrahı, Azərbaycan Ürək və Sağlamlıq Assosiasiyası İdarə Heyətinin sədri, Milli Məclisin Səhiyyə komitəsi sədrinin müavini Rəşad Mahmudov poliklinika həkimlərinə və ürək-damar xəstələrinə müraciət edib.
Yenisabah.az-ın məlumatına görə, deputat bildirib ki, ürək-damar xəstələri koronavirusa qarşı peyvənd vurdura bilər.
“Bütün açıq ürək və stentləmə əməliyyatı olunan pasiyentlərim, eləcə də yüksək təzyiq, şəkərli diabet kimi yanaşı xəstəliyi olan insanlar COVID-19 peyvəndi (SinoVac) vurdura bilər.
Hətta ürək-damar xəstəliyi olan insanların sağlam insanlarla müqayisədə daha tez peyvənd olunmasını tövsiyə edirik”, - deyə həkim əlavə edib.
