Bu gündən Azərbaycanda 40 yaşdan yuxarı şəxslərin vaksinasiyasına start verilir - VIDEO
Bu gündən Azərbaycanda 40 yaş üzərində olan vətəndaşlarımız koronavirusa qarşı vaksinasiyaya cəlb olunacaq.
Oxu.Az xəbər verir ki, bu günə qədər ölkədə 482 664 nəfər vaksinasiya edilib.
Qeyd edək ki, Azərbaycanda koronavirusa qarşı peyvəndləmə prosesinə yanvarın 18-dən start verilib. Birinci mərhələdə səhiyyə işçiləri və 65 yaşdan yuxarı olan şəxslər, hüquq-mühafizə orqanlarının işçiləri vaksinasiya edilib. Fevralın 17-də başlanan ikinci mərhələdə isə 50 yaş və daha yuxarı şəxslərin peyvəndlənmə prosesi başlanılıb.
