"Bakı Zooparkı" heyvanlar üçün əti neçəyə alır? – QİYMƏT
Yeniavaz.com açıqlanan rəsmi məlumatlara istinadən xəbər verir ki, tender müsabiqəsinin qalibi “Səhliyalı” Kiçik Müəssisəsi olub.
"Bakı Zooparkı" “Səhliyalı” şirkətindən heyvanların yemlənməsi üçün lazım olan 3-cü növ qida rasionuna uyğun yemləri satın alacaq. Alınacaq yemlərin qarşılığında “Səhliyalı” şirkətinə 299 min 520 manat ödəniləcək.
“Səhliyalı” şirkəti "Bakı Zooparkı"ndan aldığı 299,5 min manat qarşılığında aşağıdakı məhsulları təqdim edəcək:
Məhsulun adı Miqdarı
1 Ət və ət məhsulları (mal əti, mal içalatı) 43 800 kg
2 Toyuq (dondurulmuş toyuq) 1 250 kg
3 Ürək (mal ürəyi) 312 kg
Açıqlanan məlumatlardan da göründüyü kimi, "Bakı Zooparkı" ümumilikdə 45 min 362 kiloqram mal və toyuq əti, həmçinin onların içalatını satın alacaq. Alınacaq yemlərin 1 kiloqramının orta qiyməti 6,6 manat olacaq.
