“Mənə “Əməkdar müəllim” adı veriblər, neynirəm, əvəzində pul versinlər...”
KONKRET.az xəbər verir ki, tanınmış ictimai xadim, Tibb Universitetinin dosenti Rəşid Mahmudov moderator.az-a fəxri adları sənətçi üçün önəmli saymadığını bildirdi:
“Fəxri adları heç vaxt önəmli saymıram. Birinə Xalq şairi deyirlər. Heç qarışqanın şairi varmı? Ayıbdır. Şair elə xalqın şairidir. Müəllim xalqın, tələbənin müəllimidir. “Əməkdar müəllim”, “Əməkdar artist”, “Xalq şairi” kimi fəxri adlar ləğv edilməlidir, boş şeylərdir. Bu ad uğrunda dava edən adamları da qınayıram. Sənətini bilən və bilməyən var. Alim Qasımova nə ad verirsən ver, onsuz da o, Alim Qasımovdur. Bunlar hamısı gülməli şeylərdir. Mənim özümə “Əməkdar müəllim” adı veriblər və heç bu mənə lazım da deyil. Neynirəm onu? Onun əvəzində pul versinlər(gülür).
