Bərdədə icra hakimiyyətinin qurduğu "yolka" yandı
Bərdənin mərkəzi küçəsində quraşdırılan Yeni il ağacı yanıb.
Trend-in yerli bürosunun xəbərinə görə, hadisə gecə Bərdə Rayon İcra Hakimiyyəti binasının yaxınlığında baş verib.
Yeni il münasibəti ilə quraşdırılan şam ağacının yandığını görən şəhər sakinləri Fövqəladə Hallar Nazirliyinə məlumat verib.
Hadisə yerinə cəlb olunan yanğınsöndürənlər alovun qarşısını alıblar. Yanğının başvermə səbəbi araşdırılır.
