“Superjet”ə bilet almayın, ölümə aparır – Komissiya üzvü
Sərnişinlər SSJ-100 təyyarəsi ilə həyata keçirilən reyslərə bilet almaqdan imtina etməlidirlər.
Axar.az xəbər verir ki, bunu “Moskva-Murmansk” reysində baş verən dəhşətli yanğını şərh edərkən Rusiya Prezidenti yanında aviasiyanın inkişafı məsələləri üzrə komissiyanın üzvü Yuri Sıtnik deyib.
“Gözlərinizi açın və “Superjet”ə biletlər almağı dayandırın. Öz pullarına insanlar özlərinə ölüm aldılar”, – deyə o bildirib.
Sıtnik həmçinin dəfələrlə bu təyyarələrin istifadəyə yararsız olduğunu dediyini söyləyib.
Qeyd edək ki, ötən gecə Moskvadan Murmanska uçan Superjet-100 təyyarəsi göyərtəsindəki yanğınla bağlı 28 dəqiqədən sonra geri – Şeremetyevo aeroportuna qayıdıb. Eniş edərkən artıq təyyarədə yanğının miqyası həddən artıq böyüyüb.
Olay nəticəsində təyyarədəki 78 sərnişin və heyət üzvündən 41 nəfər ölüb.
