Bakı avtovağzalında sərnişindən ilginc işbazlıq
Gundeminfo.az xəbər verir ki, bu barədə məlumatı BBAK-ın mətbuat katibi Pərvin Məmmədova qeyd edib. O bildirib ki, sərnişinlərdən biri özünü avtovağzal işçisi kimi təqdim edərək, pul qarşılığında arabanı digər sərnişinlərə təklif edib:
“Hörmətli sərnişinlər, özünü avtovağzalın işçisi kimi təqdim edərək sizdən araba ilə yük daşınmasına görə pul tələb edən heç kimə hər hansı bir məbləğ ödəməyin. Bu gün sərnişinlərdən biri belə bir addım ataraq, işbazlıq etməyə çalışıb. Əraziyə nəzarət olunur və onun bu əməlinin qarşısı alınıb”. Qeyd edək ki, yüklərin daşınması üçün istifadə edilən arabalar avtovağzala bu gün qoyulub.
