Maska fabrikinin işçisində koronavirus tapıldı - Kimlərə satılması araşdırılır
Gundeminfo.az milli.az-a istinadla bildirir ki, olay Türkiyənin Şanlıurfa vilayətində yaşanıb.
Şanlıurfadakı tibbi maska zavodunun işçilərindən birinin koronavirus testinin müsbət çıxması nəticəsində zavodun bütün işçi heyəti karantinə alınıb. 70 nəfər yaxınlıqdakı tələbə yataqxanalarına aparılıb.
Bundan əlavə, maskaların hansı apteklərə paylanması və kimlərə satıldığı araşdırılır.
Qeyd edək ki, Ümumdünya Səhiyyə Təşkilatının bugünkü statistikasına əsasən, Türkiyədə 3786 nəfər koronavirus səbəbindən dünyasını dəyişib.
