Gürcüstanda 227 nəfər koronavirusa yoluxub
APA-nın yerli bürosunun xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da qonşu ölkədə koronavirusa yoluxanların sayı 4 140 nəfərə çatıb.
Son sutka ərzində 2 nəfər isə COVID-19-dan vəfat edib.
Qeyd edək ki, Gürcüstanda koronavirus səbəbi ilə hazırda 5 255 nəfər karantində saxlanılır, 836 nəfər isə stasionar şəraitdə müalicə olunur. Virusa yoluxanlardan 1 643 nəfərin sağaldığı, 24 nəfərin isə vəfat etdiyi bildirilir.
