“Hizbullah” təşkilatı İrandan yeni maliyyələşdirmə aldıqdan sonra İsrailə qarşı mümkün hərbi əməliyyatların yenidən başlamasına üç aydır ki, hazırlıq görür.
Yeniavaz.com xəbər verir ki, bu barədə “Reuters” agentliyi Livan təhlükəsizlik xidmətindəki mənbələrə istinadla məlumat verib.
Məlumata görə, Livanın cənubundakı təhlükəsizlik zonasında İsrailin hərbi fəaliyyətinin, həmçinin, Beyrutda qruplaşmanı tərksilah etmək üçün siyasi təzyiqin artmasına baxmayaraq, “Hizbullah” İsraillə mübarizə aparmaqda qətiyyətli olaraq qalır və iyun ayından bəri davam edən döyüşlərdəki sakitlikdən silahlarını artırmaq üçün istifadə edir.
Xüsusilə partlayıcı maddələrin əldə edilməsinə və İsrail mövqelərinə hədəf ola biləcək dronların istehsalına diqqət yetirilir.
Livan təhlükəsizlik xidmətlərindəki məlumatlı mənbələr bildirib ki, qruplaşma hərbi potensialını bərpa etmək üçün İrandan on milyonlarla dollar alıb. Bu vəsait təşkilatın Tehrandan livanlı ailələrə kömək etmək üçün aldığı təxminən 200 milyon dollara əlavədir.
Mənbələrdən birinin sözlərinə görə, “Hizbullah” əsas döyüşlər zamanı dağıdılmış komandanlıq və nəzarət strukturlarını yenidən qurur.


9 dəfə oxundu