Türkiyə Rusiyanın “Su-35” haqqında təklifini düşünür
Türkiyə Rusiyanın “Su-35” çoxhədəfli qırıcılarının satışı barədə təklifini dəyərləndirir.
“RİA Novosti” türk KİV-lərinə istinadən xəbər verir ki, Türkiyənin silah alınmasına cavabdeh qurumları müdafiə sənayesi katibliyini və HHQ rəhbərliyini Rusiyanın təklifini qiymətləndirməyə çağırıb.
Daha əvvəl “Rostex” dövlət korporasiyasının rəhbəri Sergey Çemezov belə bir təkliflə çıxış etmişdi: əgər rəsmi Ankaranın istəyi olarsa, Rusiya Türkiyəyə “Su-35”-ləri satmağa hazırdır.
Türkiyə Prezidenti Rəcəb Tayyib Ərdoğan da ABŞ-ın “F-35” qırıcılarını satmaqdan imtina etdiyi təqdirdə Ankaranın başqa bazarlarda təyyarələr axtaracağını söyləmişdi.
