El Mençonu öldürdü - Meksika qarışdı
Meksikada federal təhlükəsizlik qüvvələri tərəfindən keçirilən əməliyyat zamanı ölkənin ən çox axtarılan narkotik baronu, "El Menço" ləqəbli Nemesio Oseguera Servantes öldürülüb.Gundem.info.az xəbər verir ki, ABŞ Dövlət Katibinin köməkçisinin müavini Kristofer Landau bildirib ki, "El Mençonun ölümü Meksika, ABŞ, Latın Amerikası və dünya üçün böyük bir hadisədir". O, kartel lideri El Mençonun Meksikada ölümünün Meksika, ABŞ, Latın Amerikası və dünya üçün müsbət bir hadisə olduğunu bildirib. Katibin köməkçisinin müavini həmçinin ölkədəki zorakılıqla bağlı narahatlığını ifadə edib.
Əməliyyatdan sonra kartel üzvləri Xaliskoda və digər ştatlarda çoxsaylı nəqliyyat vasitələrini yandıraraq təhlükəsizlik qüvvələri ilə toqquşma yaşayıblar. Qvadalaxara Beynəlxalq Hava Limanında da silah səsləri eşidilib. Yerli mənbələr CJNG üzvlərinin hava limanına basqın edərək təhlükəsizlik qüvvələri ilə toqquşma etdiyini bildiriblər. Hava limanından sosial mediada paylaşılan görüntülərdə bir çox insanın panik içində qaçdığı görünür.
Əməliyyatdan sonra, ehtimal ki, cinayətkar təşkilatın qisası olaraq, Xaliskoda və ölkənin digər ştatlarında çoxsaylı yolların bağlanması və nəqliyyat vasitələrinə və müəssisələrə qarşı qəsdən edilən yanğınlar baş verdi. Mediada və sosial mediada paylaşılan görüntülərdə Xalisko, Miçoakan, Kolima, Nayarit, Aquaskalientes və Tamaulipas ştatlarında nəqliyyat vasitələrinin yandığı və tüstü qalxdığı, eyni zamanda Quanaxuatoda bəzi müəssisələrin yandırıldığı bildirilir.
Qeyd edək ki, ABŞ El Mençonu Meksikada "terror hakimiyyəti" qurmaqda və fentanil qaçaqmalçılığı yolu ilə "saysız-hesabsız insanın həyatını məhv etməkdə" günahlandırdı. Vaşinqton administrasiyası El Mençonun tutulmasına və ya məhkum edilməsinə səbəb olan məlumata görə 15 milyon dollara qədər mükafat vəd etmişdi.
CJNG, Vaşinqton administrasiyasının keçən ildən bəri terror təşkilatı kimi tanıdığı Meksika kartellərindən biri kimi tanınır.
