Robert Koçaryan saxlanıldı - evində axtarış aparılır
Bu gün səhər tezdən Ermənistanın ikinci prezidenti Robert Koçaryan Korrupsiyaya Qarşı Mübarizə Komitəsinə aparılıb.Yeniavaz.com xəbər verir ki, bu barədə News.am məlumat yayıb.
Komitədən bildirilib ki, Robert Koçaryan və onun oğlu Levon Koçaryanın evlərində axtarışlar aparılır.
“Bildiririk ki, Ermənistanın Korrupsiyaya Qarşı Mübarizə Komitəsində korrupsiya xarakterli cinayətlərlə bağlı araşdırılan cinayət işi çərçivəsində onlarla ünvanda axtarışlar və digər prosessual tədbirlər həyata keçirilir”, - Komitənin sözçüsü Marina Ohancanyan bildirib.
O, zərurət yaranacağı təqdirdə əlavə məlumat veriləcəyini qeyd edib.
Qeyd olunur ki, avqustun 24-də Ermənistan Milli Assambleyasında hökumət proqramını təqdim etdikdən sonra deputatların suallarını cavablandıran Baş naziri Nikol Paşinyan hüquq-mühafizə orqanlarına ölkənin ikinci prezidenti Robert Koçaryanın və üçüncü prezidenti Serj Sarkisyanın əmlakları ilə bağlı araşdırma aparılması barədə göstəriş verib.
