Yeni tikililərdə parkinq problemi həllini tapmır - Çıxış yolu nədir?
Vətəndaşların yaşadıqları binanın yaxınlığında avtomobil saxladıqları üçün Dövlət Yol Polisi (DYP) tərəfindən cərimələnmələri məsələsi gündəmdədir. Nəqliyyat vasitəsi idarə şəxslərin avtomobili yaşadıqları binaların həyətlərindən qismən kənarda saxlaya bilməmələri bu və digər formada narazılıq yaradır. Narazılıqlar əsasən müasir binalara aiddir. Bu binalarda sovet dövründə inşa olunan beşmərtəbəli və ya doqquzmərtəbəli binalarda olduğu kimi həyətyanı qarajlar yoxdur. Hətta qonaq gələn insanlar da öz nəqliyyat vasitələrini köhnə binaların həyətində qarajda saxlaya bilirdilər. İndi isə bu proses çox çətinləşib. Ümumiyyətlə, parklamaya icazə verilmir.Bu sözləri Pravda.az-a açıqlamasında nəqliyyat məsələləri üzrə ekspert Aslan Əsədov deyib.
Ekspert bildirib ki, Dövlət Şəhərsalma və Arxitektura Komitəsi xüsusi olaraq yeni tikilən binalarda qaraj olması ilə bağlı MTK-lar qarşısında bir şərt qoymalıdır: “Yəni qaraj olduqda heç bir problem yoxdur. Amma MTK-lar sui-istifadə hallarına yol verə, qarajları vətəndaşa pulla sata bilərlər. Vətəndaşlar isə qaraj almaqda maraqlı deyillər. Onu mənzil maraqlandırır və pullarını mənzilə verirlər…”
