İranın Bərzaniyə etdiyi təklif Türkiyəni şoka saldı
İranın Şimali İraqın kürd muxtariyyətinin başçısı Məsud Bərzaniyə etdiyi təklif regionda tarazlığı pozmağa başlayıb.
Ölkə.az xəbər verir ki, İranın Şimali İraqın Süleymaniyyə şəhərindəki baş konsulu Saidullah Məsudi Bərzaniyə hasil etdiyi nefti onların ərazisi ilə dünya bazarına çıxarmağı təklif edib.
Məsudi bildirib ki, İranın böyük şirkətləri bu məsələdə Şimali İraq kürd muxtariyyətinin neft nazirliyinə istənilən köməyi göstərə bilər.
Xatırladırıq ki, Şimali İraqda çıxarılan neftin 90%-dən çoxu dünya bazarlarına Türkiyə ərazisindn çıxarılır və burada Ankaranın da böyük mənfəəti var. İranın bu təklifi isə Türkiyənin siyasət və biznes dairələrində ciddi narahatlıq yaradıb. Çünki Bərzaninin öz neftini İran vasitəsi ilə dünya bazarına çıxarması Türkiyəni hər il yüz milyonlarla dollar gəlirdən məhrum edə bilər və tutduğu strateji mövqeyə görə daşıdığı əhəmiyyətdən sala bilər.
