"Krımı qaytarmağa tələsmə..." - Müşavirdən prezidentə ilginc təklif
Bu fikri Ukrayna prezidentinin müşaviri, NATO-nin sabiq baş katibi Anders foq Rassmussen deyib.
Onun sözlərinə görə, Krımın Ukraynanın tərkibinə qaytarılması prioritet məsələ olaraq gündəmdə qalmalıdır. “Bu uzunmüddətli perspektiv üçün nəzərdə tutulmalıdır və bu məsələdə bütün Qərb ölkələrinin mövqeyi eynidir. Belə bir praktika olub və Qərb zamanında Estoniya, Litva və Latviyanın SSRİ-yə qeyri-qanuni birləşdirilməsini tanımadığımız kimi, Krımın da Rusiya tərəfindən işğalını qəbul etmir.
Ona görə də prezidentə təklif edəcəyəm ki, məsələ gündəmdə saxlanılsın, ancaq digər məsələlərə daha çox diqqət ayrılsın. İndi daha önəmli məsələlər var ki, onları həll etmək lazımıdr. Bunlar islahatlar və Minsk-2 razılaşmasının icrasına diqqət yetirmək”, -prezidentin köməkçisi qeyd edib.
