Tramp: “CNN-ə nifrət edirəm, bu kanal yalançılarla doludur”
FaktXeber.com-un BBC-yə istinadən verdiyi məlumata görə, ABŞ-ın yeni seçilmiş prezidenti Donald Tramp “Trump Tower” adlı şəxsi binasında bu ölkənin aparıcı media nümayəndələri ilə görüş keçirib. 40-a yaxın tanınmış telekanal və digər KİV rəhbərləri ilə görüşən Tramp sözün əsl mənasında onları təhqir edib. Seçki kompaniyası zamanı Trampın əleyhinə təbliğat aparan CNN kanalı və onun bu görüşdə iştirak edən rəhbəri isə ən ağır sözlərə tuş gəlib.
Tramp CNN kompaniyası rəhbəri Jeff Zukeri (Jeff Zucker) adiyla çağıraraq, deyib: “Sizin telekanala nifrət edirəm. Sizin telekanalda olan hər kəs yalançıdır. Buna görə siz xəcalət çəkməlisiz.” O, toplantıda iştirak edən bütün media nümayəndələrini saxtakar və yalançı adlandıraraq, onları bəşəriyyətin ən alçaq varlıqları adlandırıb. ABŞ-ın yeni prezidenti həmçinin Nyu-York Times qəzeti rəhbərliyinə üzünü tutaraq deyib ki, əgər mən bu qəzeti oxumasaydım 20 il artıq yaşayardım.
