Tramp: “Müsəlmanlarla bağlı 100% haqlı idim...”
Berlində yeni il yarmarkasına hücum insanlığa qarşı hücumdur.
Axar.az xəbər verir ki, bunu jurnalistlərə açıqlamasında ABŞ-ın yeni seçilmiş prezidenti Donald Tramp söyləyib. Terroru pisləyən yeni prezident ABŞ-a müsəlman ölkələrindən miqrantların gəlməsini qadağan etməyə hazır olduğunu bildirib:
“Siz mənim planımı bilirsiniz. Artıq sübut olunub ki, mən 100% haqlı idim. Berlindəki terakt sadəcə rüsvayçılıqdır”.
Qeyd edək ki, dekabrın 19-da Almaniyada terakt baş verib. Müsəlman terrorçu yük maşınını ələ keçirərək, yeni il yarmarkasına gələn kütlənin birbaşa üzərinə sürüb. Nəticədə 12 nəfər həyatını itirib, 48 nəfər isə yaralanıb.
