Ötən il 714 azərbaycanlı Türkiyədə ev alıb
2016-ci ildə 714 azərbaycanlı Türkiyədə mənzil alıb.
AzVision.az xəbər verir ki, bu barədə Türkiyənin Statistika Komitəsi məlumat açıqlayıb. Məlumata görə, bu rəqəmlər 2015-ci ildə 869 olub.
Ümumilikdə isə 2016-ci ilin dekabr ayında 650 azərbaycanlı qardaş ölkədə daşınmaz əmlaka sahib olub. Bu rəqəm 2015-ci ilin eyni dövründə isə 108 olub.
2016-ci ildə Türkiyədə 18189 əcnəbiyə ev satılıb. Daşınmaz əmlak satışı əvvəlki illə müqayisədə 20,3 faiz azalıb. Əcnəbilər daha çox İstanbul, Antalya, Bursa və Aydında ev alıblar.
Ötən il Türkiyədə ən çox - 3036 İraq vətəndaşı ev alıb. Sonrakı yerləri Səudiyyə Ərəbistanı, Küveyt, Rusiya Federasiyası, Əfqanıstan vətəndaşları tutur.
