Saakaşvili: Poroşenko məndən çox qorxur
Gundeminfo.az yazır ki, FaktXəbər-in verdiyi məlumata görə, Gürcüstanın sabiq prezidenti, Ukraynanın Odessa vilayətinin keçmiş qubernatoru Mixail Saakaşvili prezident Pyotr Poroşenkonun Mariya Qaydarı müşavir təyin etməsini şərh edib. Saakaşvilinin sözlərinə görə, Mariya Qaydarın bu vəzifəni qəbul etməsi üçün 3 ay onu razı salmağa çalışıblar.
Mixail Saakaşvili həmçinin bildirib ki, Ukrayna prezidenti hazırki durumda ondan qorxur: "Poroşenko mənim Odessada effektsiz iş gördüyümü deyəndə ya yalan danışırdı, ya da məndən qorxduğu üçün belə deyirdi".
Qeyd edək ki, Ukrayna prezidentinin müşavir təyin etdiyi Mariya Qaydar buna qədər Odessa vilayətində qubernator olmuş Mixail Saakaşvilinin komandasında yer alırdı. Saakaşvilinin əsas müşavirlərindən olan Qaydarın prezidentin müşavir təyin olunması Saakaşvilini özündən çıxarıb.
