Azərbaycanlı milli fəala hökm oxundu
Urmiya Məhkəməsinin 2-ci şöbəsi azərbaycanlı milli-mədəni fəal Nasir Xülusini 6 il həbs cəzasına məhkum edib.
Axar.az xəbər verir ki, bu barədə “Günaz.tv” məlumat yayıb. Hakimin ETTELAAT (İran Kəşfiyyat Nazirliyi) İdarəsi və digər təhlükəsizlik orqanlarının təzyiqi altında qərar verdiyi iddia edilir. Nasir Xülusi 6 illik həbsinə dair çıxarılan məhkəmə hökmünü olduqca ədalətsiz və qəbuledilməz adlandırıb:
“Azərbaycanlılar əleyhinə çıxarılan ağır məhkəmə qərarları hansı qanun və şəriətə uyğundur?! Azərbaycan gənclərini ədalətsiz bir şəkildə həbs etdiyinizə görə vicdanınız necə rahatdır?!”
Qeyd edək ki, mühəndis Nasir Xülusi 2017-ci il yanvarın 23-də Təbrizdən Urmiyaya gələrkən təhlükəsizlik qüvvələri tərəfindən saxlanılıb.
