Türkiyə ordusu Afrində 41 şəhid verib
Türkiyə ordusu bu günə qədər Afrində 41 şəhid verib.
AzVision.az xəbər verir ki, bu barədə Türkiyənin milli müdafiə naziri Nurəddin Canikli məlumat verib.
Onun sözlərinə görə, "Zeytun budağı" əməliyyatında Azad Suriya Ordusunun (ASO) 116 üzvü həlak olub.
“Afrin əməliyyatının başlamasından bu günə qədər Türkiyə ordusu 41, ASO 116 olmaqla, ümumilikdə 157 şəhid verilib. 615 kvadrat kilometr məsafədə 95 yaşayış məntəqəsi və 28 strateji nöqtədə nəzarət təmin edilib”.
Nazir vurğulayıb ki, əməliyyat başlayandan bu günə qədər azı 2295 terrorçu zərərsizləşdirilib.
