İsveçrə Volkswagen avtomobilinin satışını dayandırdı
İsveçrə hökuməti Volkswagen konserninin avtomobillərinin satışının ölkə ərazisində dayandırılması haqqında qərar qəbul edib. Buna səbəb həmin avtomobillərin ekoloji normativlərə cavab verməməsidir.
Musavat.com xarici mediaya istinadla xəbər verir ki, söhbət 180 min ədəd Audi, Seat, Skoda və VW kimi brend markadan olan və 2009-2014 illərdə buraxılmış avtomobillərdən gedir. Bildirilir ki, yaxın gələcəkdə 11 milyon avtomobil yasaqlana və onlara 18 milyard dollar məbləində cərimə kəsilə bilər. Həmin yasaq ölkə hakimiyyətinin atmosferə zərərli tullantılar buraxılması göstəriciləri ilə bağlı situasiyanı ayınlaşdırmasına qədər qüvvədə qalacaq. Əvvəllər bildirilirdi ki, Volkswagen-in 5 milyon avtomobili nasaz avadanlıqla təchiz edilib.
