Xırdalanda kütləvi şəkildə ağaclar kəsilib. Bu barədə AzNews.az-a yerli sakinlər məlumat verib. Onların sözlərinə görə, 2-3 gün bundan öncə Heydər Əliyev Prospektində bahalı dekoratıv kollar və iri ağaclar kəsilib: “Devalvasiyadan öncə həmin ərazi hasara alınmışdı. Həmin vaxt bizə belə məlumat vermişdilər ki, burada yeni bina tikiləcək. Amma nədənsə iş dayandı”.




Sakinlər qeyd edib ki, bir neçə gün öncə Milli Məclisdə qanunsuz ağackəsmə, meşələrin məhvi və yaşıllığın korlanması ilə əlaqədar nəzərdə tutulan cəzaların sərtləşdiriləcəyi ilə bağlı məsələ müzakirəyə çıxarılan kimi şəhərin bir çox yerlərində ağacların kəsilməsinə başlanılıb: “Görünür işbazlar qanunun qüvvəyə minməsindən qorxublar, odur ki, hərəkətə keçiblər”.




941 dəfə oxundu